تعبت
بقلم سيد الخطيب
تعبت
و من يوم كان التعب ببلاش وأنا تعبان
و من يوم كان التعب ببلاش وأنا تعبان
عبيت الشوال من الهم بزياده
وراهنت على حصان خسران
أصل الخساره ليها ناس يا ساده
خسرت معاه من الهنا ألوان
وضاع العمر بعناده
لفيت بلاد الله أدور لي عن مكان
على أرض الله و في بلاده
ما لقيت لي وطن بين الأوطان
كل وطن مقفول على ولاده
صرخت وقلت محتاج حنان
بدي أرتاح قالوا لي كله إلا ده
أنا يا ناس مش بشكي الزمان
أنا رعيت حق الله وعباده
هناك تعليق واحد:
تعبت من الكلام .. من السكوت اللي يهد ّالحال
تعبت من الوعود .. من الصديق الطيّب المحتال
تعبت أسأل من المخطي ..؟! تعبت اردّد الموّال
تعبت اجامل ايامي .. ولو ورّتني .. الأهوال
تعبت من الجروح ومن انتظارى اللى طال
أخى العزيز....أهديك ورداتى
وردة لإبداعـك
وردة لإحساسك
وردة لجمال خيالك وكلماتك
إرسال تعليق